 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Skarynku sonca napałam
złamaŭ zachodu bor rukasty,
viasiołka miod nie dapiła
i zaciahnuła vuzieł kajstry.
Kaŭtaŭ u schovie suchaviej
zachrasłaj hłotkaj čad kialejny:
jaho kachanku sałaviej
ukraŭ na dziorzkaje kalena.
Dy niepaźbiežna – dzieś pad Spas –
zdahadka dumkaj kiravała,
što pakrysie spłyvaŭ zapas
nia tolki, mabyć, karnavała.
Hamonku vabiŭ pierabor:
chistaŭsia zvyčaj niezalečny,
a most z rastruščanym rabrom
uśled za połazam zajenčyŭ.
Śpichnuła zorku na sumiot
hurma surodzičaŭ na kručy,
a joj chaciełasia samoj
lacieć i ciešycca błiskuča.
Schilała noč spakusny stan
u kažušku, jak bahra piečy,
i mieła vyznanuju z tajn,
kałi niamka rabiła pieŭčym.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
